عين الحقيقة
كتبت/ ميرفت عبدالله
خد الشقة والعيال
خلي بالك بس منهم
شيلت حمل كان جبال
بس مش عذر اني اسيبهم
والحقيقة مين شايفها
ربي وحده اللي عارفها
خد الشقة ثمنها غالي
ثمنها عمري
ثمنها احلامي وامالي
وعيش بذنبي
رحلت من كل الدنيا
بس أمانة عليك عيالي
عوضهم عن ظلمك ليا
عن انك ضيعت اماني
عارفة الناس بتقول انتحرت
بس ربي العالم بحالي
مش يمكن في سر في موتي
ادعوا لي وسيبوني في حالي
ولا حتى رغم موتي
لسه ناس بتقطع فيا
الانتحار حرام وجريمة
لو تقدر أثبتها عليا
ياما العين بتشوف حاجة
والحقيقة تكون حاجة تانية
ادعوا لي وسيبوني في حالي
الله وحده العالم بيا ..
كلمات #ميرفت عبدالله
