Uncategorized

هل صوتك الداخلي بيأثر على صحتك النفسية؟!

Mariam Alyديسمبر 6, 2025

0 15 2 دقائق

كتبت د/سارة ابوطالب

الحقيقة نعم

كل حاجة حوالينا حاليًا مليانة ضغوط وتوقعات عالية، وأوقات بننسى أهم صوت بيوجّه يومنا كله وهو صوتنا الداخلي..

الصوت اللي ممكن يرفعك ويهديك أو يكسرك ويخليك تشوف الدنيا ضيقة ولا تطاق إنك تعيش فيها ..

_ليه الصوت الداخلي مهم؟!

الدراسات بتقول إن الإنسان بيقضي ما بين 30% ل 50% من وقت يقظته في حديث داخلي مستمر

وإن نبرة هذا الحديث له تأثير مباشر على:

▫️تنظيم المشاعر

▫️اتخاذ القرار

▫️الصحة النفسية والجسدية

▫️نظرتك لنفسك والآخرين

يعني باختصار الكلام اللي بتقوله لنفسك بيصنعك

“أنت صنيعة أفكارك ”

_إزاي الصوت الداخلي السلبي بيدمر الصحة النفسية؟!

الأبحاث في علم الأعصاب بتوضح إن النقد الذاتي الشديد بيحفز نفس مناطق المخ اللي بتتنشط وقت الألم الجسدي

يعني جسمك حرفيًا بيتعامل مع كلامك القاسي زي ما يكون ضربته ..

وده بيؤدي ل :

▫️قلق عالي

▫️استنزاف طاقة

▫️جلد ذات مستمر

▫️ضعف تركيز

▫️شعور بالذنب بدون سبب

وفي دراسة من جامعة ويسكونسن، اتقال إن التحدث مع النفس بطريقة قاسية أو سلبية بيرفع هرمونات التوتر زي الكورتيزول، وده بيأثر على النوم والهضم والمزاج عمومًا .

_طب وإيه فايدة الصوت الداخلي الداعم؟!

علم النفس الحديث بيسمي ده “الذات الرحيمة Self-Compassion”

وده بالفعل أسلوب معتمد علميًا لتحسين صحتك النفسية.

أبحاث Kristin Neff بتقول إن تدريب الشخص على التعاطف مع نفسه بيؤدي ل:

▫️انخفاض كبير في القلق والاكتئاب

▫️ثبات نفسي أعلى

▫️قدرة أحسن على مواجهة الضغط

▫️تحسين علاقاتك بالناس

▫️زيادة دافعية التغيير بدون جلد ذات

_إزاي تغير صوتك الداخلي؟

▫️أولاً لاحظ الحوار بدون حكم Mindfulness

دراسة من Harvard أثبتت إن الملاحظة الواعية بتقلل نشاط مركز الخوف في المخ