موقعة البرث وكمين البرث واستشهاد حارس الجنود المجند علي علي
كتبت . سامية عبد الحميد
حارس الجنود علي علي الذي استشهد ب ٣٠ طلقة 😔😔
في موقعة البرث .. كمين البرث .. اللي استشهد فيها القائد منسي .. ومن الملفت للنظر وبالبحث عن تفاصيل المعركة دي الجندي : علي علي ( اللي في الصورة دي .:)
💪عسكري مجند علي علي.. شخص غلبان من الجماليه كانت شغلته انه بيعمل اسطمبات من الجبس ويبيعها.. شخص سنه لا يتجاوز ٢٠ عام .. تخيلو بسببه الارهابيين مقدروش يوصلو للدور التاني في المبني في الوقت اللي كان ٧٠% من قوة الكمين استشهدت .. كان اي حد يقع مصاب او يستشهد كان بيشيله و يدخله غرفه وهو كان واقف يحرسها علشان محدش من الارهابيين يقدر يوصلهم و.. من كلام احد الاشخاص اللي كان مصاب في الغرفه بيحكي ويقول ان علي علي فضل واقف علي مطلع السلم في الدور التاني واي حد يقرب كان بيقتله .. لدرجة انه اتصاب و وقع علي بطنه … وهو واقع علي بطنه ماسك السلاح وبيزحف ومكمل ضرب علي اللي بيحاول يطلع .. وهو خلاص بيموت كان طالع واحد من الارهابيين .. راح قاتله برضو بعدها هو استشهد .. تخيلو الشخص ده كان راعب الارهابيين وعطلهم لحد ما وصل الدعم .. ولولا هو كان الارهابيين وصلوا للدور التاني وقتلوا كل المصابين وو صلوا للقائد المنسي و مثلوا بجثته …تخيلو المجند علي علي استشهد باصابته ب ٣٠ طلقه.. تخيلو ان شخص بيموت علشان يدافع عن جثمان اشخاص ميته او شبه ميته .. تخيلو ٣٠ طلقه وهو صامد بيقتل فيهم لحد قبل ما يستشهد ب ثواني يقتل اخر واحد منهم كان بيحاول يطلع الدور التاني .. ده شخص طبعا محدش يعرف حكايته او سمع عنه .. اسمه لم يذكر سوي في اغنية قالو ايه علينا .. في مقطع علي علي من الشجعان .. بس للاسف محدش كان يعرف هو مين علي علي .. … فقولنا نعطيه حقه .. ربنا يرحمه و يدخله فسيح جناته
ده مش تاليف .. ده كلام ملازم اول عبدالعزيز محمد محسن ضابط الحرب الالكترونيه في كمين البرث احد الناجين من المعركه. . وكان من ضمن المصابين في الغرفه اللي كان يحميها المجند علي علي💪🇪🇬
حبينا الناس تعرف مين البطل ده😍رحمة الله عليه🤲
