ليه الحرب على حياة كريمه 

ليه الحرب على حياة كريمه 

كتب / رامي يسري

بمناسبه الكلام الكثير على مؤسسه حياه كريمه حابب اوضح شويه حاجات كده بسيطه اولا انا بفتخر ان انا في يوم من الايام كنت عضو في حياه كريمه ولو لفتره صغيره ولكن انك تبقى عضو في كيان زي ده فده انجاز الناس اللي فيه كلها بتشتغل عشان مؤمنه بفكره وهي فكره التطوع من اجل التنميه ومن اجل خدمه الانسان بعيدا عن اي حاجه لازم نعرف ان فكره حياه كريمه لازم يطلع ناس وتبقى معترض عليها مش عشان موضوع اللاجئين والكلام ده لا لانها فكره الرئيس عبد الفتاح السيسي لخدمه المصريين 

ثانيا حياه كريمه عضو التحالف الوطني للعمل الاهلي التنموي وده معناه انها كانت بتساعد في القوافل اللي كانت رايحه لاخواتنا بغزه ما سمعناش ساعتها حد قال فلوس المصريين ولكن كان كل يوم شباب من التحالف الوطني وحياه كريمه بيعرضوا نفسهم لخطر كبير قدام المعبر 

ثالثا عندنا قانون اسمه قانون تنظيم العمل الاهلي 149 لسنه 2019 وده اللي بينظم التعامل مع اي جهات خارجيه في موضوع التبرعات وعلى فكره انا واحد من الناس مش عارف انزل بوست حد يساعدني في الحالات اللي عندي لاني مش عامل تصريح جمع مال ولا حتى جمعيتي بيطلع لها حاجه من حياه كريمه ولكن عارف الناس دي بتساعد ازاي وشفت مساعداتهم بتوصل للناس ازاي وشفتهم فرحوا ناس اد ايه 

وكمان شفت مشاريعهم غيرت قري كتير قد ايه وخليتها للاحسن حياه كريمه مش مجرد مؤسسه او مشروع حياه كريمه حلم لكل المصريين البسطاء وعلى فكره الخير ما بيقفش عند حد 

حابب اوضح ان البروتوكول مش معناه ان حياه كريمه هتطلع فلوس للاجئين ولكن معناه ان هي اللي هتبقى مسؤوله عن تنظيم دخول فلوس المفوضيه وتوزيعها على اللاجئين عشان نقدر نحصر عددهم رسميا وتوصل الفلوس دي للمستحقين منهم والى داخلين رسمي وعاملين ورق مش إلى هاربين بلدنا

اخر حاجه انا اه سيبت حياه كريمه لكن فخور جدا انى كنت فيها ولو يوم احتاجوني حكون اول واحد لأن حياه كريمه مش مؤسسه حياه كريمه أحدي مشروعات مصر عشان كدة حيبقا فيه حرب كبيرة عليهم وعلى نجاحهم من إلى كل شويه يحاولوا يصدروا مشكله للبلد دي 

شكرا #حياة_كريمة #شكرا_مصر 

حياة كريمة