بركان_الغضب !
كتبت د/ سارة أبوطالب
اولاً الغضب مش إحساس سطحي زي ما بيبان لينا ولكن هو في الحقيقة قمة جبل البركان بالضبط.
واللي بنشوفه فوق هو الانفجار:
وبيظهر في هيئة صراخ، اندفاعية،قرارات خاطئة ، انسحاب، أو حتى #سلوك عدواني.. ودي كلها ردود فعل ظاهرة فقط ولكنها مش أصل المشكلة
لان في طبقات أعمق بكتير زي :
الخوف، الإحباط، الشعور بالرفض، خيبة أمل،الصدمات ، قلق توتر، إحراج، أو حتى إحساس بعدم الحب والانتماء ..
وكل المشاعر دي لما بتتراكم من غير ما تتفهمها أو تتعبر عنها بشكل صحي، للاسف بتضغط على ذاتك الداخلية لحد ما البركان ينفجر ..
_وعلميًا: الغضب بيشتغل كإستجابة دفاعية بيستخدمها المخ لما يحس بتهديد نفسي أو عاطفي ، حتى لو التهديد ده مش واضح ..
وبمعنى تاني وأدق : الغضب غالبًا بيكون غطاء لمشاعر أضعف أو أكثر #هشاشة_نفسية..
عشان كده التعامل الحقيقي مع #الغضب مش إنك تمنعه أو تكتمه جواك لدرجة الانفجار ،
لكن إسأل نفسك ! :
_أنا حاسس بإيه بجد تحت الغضب ده ؟
لما تبدأ تفهم المشاعر اللي تحت السطح الظاهري ده ، هتقدر تهدي من ردود أفعالك ، وتعبر عن نفسك بطريقة أهدء وأصدق..
توقف عن محاولة تهدئة العاصفة .. اهدء انت وستمُر العاصفة .
