“إسكيما الفشل … الشعور بأنك ‘مش ناجح كفاية’ مهما حققت
كتبت: د/ ماري صبحي
هل بتحس دائمًا بـ:
🔹إن إنجازاتك مهما كانت كبيرة… ‘مش كافية’؟
🔹خوف شديد من تجربة أي حاجة جديدة عشان متواجهش الفشل؟
🔹إنك ‘دومًا أقل’ من غيرك في الشغل/الدراسة/العلاقات؟
🔹حتى لما تنجح، بتركز على أخطاءك الصغيرة وتنسى نجاحاتك؟
لو أجابتك ‘أيوة’، فربما تعاني من إسكيما الفشل.
إزاي بيتكون؟
بيبدأ في الطفولة،من خلال:
👉ضغط عالي من الأهل للإنجاز والتفوق
👉مقارنة مستمرة مع الآخرين
👉تركيز دائم على الأخطاء وإهمال الإنجازات
👉شعور بأن حب الأهل وتقديرهم مشروط دائمًا بالنجاح
أثرها على حياتك؟
🔹تجنب التحديات: بتبعد عن أي فرص جديدة عشان متخاطرش
🔹إرجاء المهام: التأجيل وسيلة لتجنب مواجهة احتمال الفشل
🔹ندية في العلاقات: بتبقى عايز تثبت إنك ‘الأفضل’ حتى مع أحبابك
🔹شعور دائم بالإرهاق: بسبب السعي الدائم لإثبات قيمتك
إزاي نبدأ نغير دا؟
1️⃣إعادة تعريف النجاح: النجاح مش ‘كمال’.. النجاح هو ‘تقدم’
2️⃣احتفل بالخطوات الصغيرة: اتعلم تفتخر بأي تقدم حتى لو كان بسيط
3️⃣غير الحديث الذاتي: بدل ‘فشلت’، قل ‘تعلمت حاجة جديدة’
4️⃣اقبل عظمتك: اتعلم تقبل المجاملات والثناء من غير ما ترفضها
الفشل الحقيقي مش إنك تقع، لكن إنك تفضل مكانك خايف من السقوط.
