وزارة الثقافة أعلنت عن فتح أبواب متحف أم كلثوم مجانًا للجمهور طول شهر ديسمبر
كتب شيرين عبده
صرح مسؤول فى وزاره الثقافة انه سيتم بدايه من شهر ديسمبر وعلى مدار الشهر فتح متحف ام كلثوم للجمهور مجانا كل يوم ، من الساعة 9 صباحًا لـ 4 مساءً، ما عدا أيام الثلاثاء من كل أسبوع. وده ضمن فعاليات مبادرة “فرحانين بالمتحف الكبير… ولسه متاحف مصر كتير”.
متحف أم كلثوم موجود داخل قصر المانسترلي بجزيرة الروضة بالمنيل، وهو بيضم كل مقتنيات أم كلثوم اللي بتعبر عن حياتها وفنها من ملابسها، واكسسواراتها، وحقائبها وأحذيتها، والعود اللي عزفت عليه، وده غير النوت الموسيقية، والتسجيلات النادرة، والأفلام الوثائقية، وخطابات بتكشف مكانتها عند كبار الشخصيات العامة وصنّاع القرار في وقتها. وغير المقتنيات، فالمتحف بيضم الأوسمة والنياشين اللي اتكرمت بيها طول مسيرتها.
المتحف بيضم عدد من القاعات، وهما:
قاعة رئيسية بتضم 8 فاترينات لعرض مقتنيات أم كلثوم الشخصية والفنية، وقاعة السينما لعرض فيلم وثائقي عن حياتها وفنها، وقاعة السمعيات والبصريات اللي فيها أرشيف رقمي شامل لأغانيها وصورها وحفلاتها، وقاعة البانوراما لتقديم عرض بصري لمدة عشر دقايق بيوثّق أهم محطات حياتها الفنيه
